بيتزا

المقادير

½ 4 كوب طحين منخول

½ 1 ملعقة كبيرة خميرة

1 ملعقة صغيرة باكينج باودر

¼ كوب لبن زبادي دافىء

½ كوب زيت زيتون وزيت نباتي (يعني ربع بربع)

1 معلقة صغير ملح

الطريقة

ندوب الخميرة بكوب ماء دافىء مع معلقة سكر ،نغطيهم و نتركهم 5 دقائق ليختمرو

على جنب نخلط المكونات الجافة الطحين والسكر الباكينج باودر ، وبعدها نضيف المي مع الخميرة والزيت ونعجن جيدا لحتى تتشكل عجينة ناعمة وغير لاصقة ، نغطيها بنايلون ونتركها ترتاح بمكان دافيء ،ساعة او اكتر

صوص البيتزا

بطنجرة على النار نضع  ½ كوب بصل مفروم مع ¼ كوب زيت زيتون وملح نقلبها لتدبل و نضيف عليها كوب بندورة مفرومة ناعم .ملح  فلفل اسود .أوريغانو .ملعقة كبيرة سكر

½ كوب ماء. نغطيهم وعلى نار هادئة ليستوو ثم نضيف 2 ملعقة كبيرة دبس بندورة(معجون بندورة) ونتركها لتجف مائها نهائي

نفرد العجين بسماكة حسب الرغبة ونرفع الحواف نرش على الصينية سميد ناعم بودرة (طحين فرخة) لكي يعطيها  قرشة لذيذة للبيتزا متل المحلات ..نثقب العجين بالشوكة

نضع الصوص وبعدين مرتديلا مبروشة حسب الرغبة ..جبنة موزاريلا ..فطر ..ذرة ..فليفلة ..زيتون

ندخلها فرن حامي النار من تحت فقط اول خمس دقائق حتى تأخذ لون من الاسفل ، ثم نشعل من فوق وتحت مع بعض لتستوي